ნიუ-იორკის ჯანდაცვის დეპარტამენტმა კორონავირუსის პანდემიის დროს სექსთან დაკავშირებული რეკომენდაციები განაახლა. ინფორმაციას ამის შესახებ ტელეკომპანია CNN-ი ავრცელებს.

სპეციალისტები მოუწოდებენ ადამიანებს, შეძლებისდაგვარად დარჩნენ სახლში და მინიმუმამდე შეამცირონ კონტაქტების წრე, თუმცა გამოიჩინონ კრეატიულობა, ვინაიდან, მათი თქმით, სექსუალურ ცხოვრებაზე უარის თქმა არასწორია.

განახლებულ რეკომენდაციებში ასევე ნათქვამია, რომ სექსის დროს პირბადის გამოყენება კორონავირუსის გავრცელების რისკს ამცირებს.

ვრცელდება თუ არა ახალი კორონავირუსი სქესობრივი გზით, ამ ეტაპზე უცნობია, თუმცა სპეციალისტები აღნიშნავენ, რომ აქამდე ცნობილი კორონავირუსები სქესობრივი გზით გადამდები არაა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

297 ნახვა

დაწერეთ თქვენი მოსაზრება

კომენტარი