მამა პეტრე კოლხი 15 წლის მოზარდის თვითმკვლელობასთან დაკავშირებით სოციალურ ქსელში პოსტს აქვეყნებს:

„როგორია იმ ქვეყნის მომავალი, სადაც 15 წლის მოზარდი შიმშილის გამო თავს იკლავს?!
ბევრი რამის თქმა მინდა, უამრავი ფაქტების მოყვანა შემიძლია, რას და რატომ ხარჯავენ ჩვენი ქვეყნის დიდგვაროვნები, ერთმანეთის თვალში ქველმოქმედის როლი ღირსეულად რომ ითამაშონ…
ერთმანეთს ეჯიბრებიან, ვინ რამდენი სენაკი თუ გალავანი ჩადგა მათი მეხოტბეების საამებლად…
რა საჭიროა ამდენი ნაგებობა, თუ მოსახლეობა მშიერი დაიხოცა…
როგორი თავმოყვარეობა უნდა ჰქონოდა ბავშვს, რომელმაც შიმშილზე მეტად სირცხვილს ვერ გაუძლო…
არც გვერდით ჰყავდა ვინმე, ეს უბედურება რომ არ ჩაედინა…
ნუთუ ასეთი ძნელია იმის დანახვა, რომ ჩვენ გვერდით რეალური ადამიანები შიმშილით რეალურად იხოცებიან…
ერთი ადამიანის სული უფრო მეტად ფასობს, ვიდრე მთელი სამყარო ერთად აღებული…
ამ უღარიბეს ქვეყანაში უამრავი მილიონერია… ეს უკვე დანაშაულია…
ღმერთის შიმშილს განვიცდით… სწორედ ეს არის მიზეზი, სხვა დანარჩენი ტრაგედიების!..“ – წერს პეტრე კოლხი.

225 ნახვა

დაწერეთ თქვენი მოსაზრება

კომენტარი