შედგა პრემიერა დოკუმენტური ფილმისა “დატოვო ნევერლენდი”(Leaving Neverland), რომელსაც კრიტიკოსებმა შოკისმომგვრელი უწოდეს. როგორც Daily Mail-ი იუწყება, პრემიერაზე ბევრ მაყურებელს გული ერეოდა, დარბაზში მორიგეობდნენ სამედიცინო მუშაკები.

ფილმის პრემიერა შედგა პარასკევს “სანდენსის” კონოფესტივალზე, პარკ-სიტიში, შტატი იუტა. ეს გახლავთ ოთხსაათიანი ფილმი, სადაც მთავარი მთხრობელები იყვნენ: უაიდ რობსონი(Wade Robson) და ჯეიმს სეიფჩაკი(James Safechuck) – მაიკლ ჯექსონის მთავარი მსხვერპლნი, რომელთაც თავად “პოპის მეფე” მათ “პატარა მეგობრებს” უწოდებდა.

ფილმი სულ მალე ასევე გავა HBO-ს არხზე.

მოცეკვავე უაიდ რობსონმა სულ ცოტა ხნის წინ განაცხადა, რაც ხდებოდა მის თავს; მისი თქმით, ჯექსონი ნევერლენდის რანჩოში 7 წლის განმავლობაში აუპატიურებდა იქამდე, სანამ 14 წლის არ გახდა. იგივე მოგონებები აქვთ სხვა ბიჭებსაც, ვინც ნევერლენდში ცხოვრობდნენ.

ფოტოზე:მაიკლ ჯექსონი და უაიდ რობსონი

შეგახსენებთ, მაიკლ ჯექსონის წინააღმდეგ 2 სასამართლო ჩატარდა პედოფილიის ბრალდებით, თუმცა მისი ბრალეულობა ვერ დამტკიცდა.

პირველად გასამართლდა 1993 წელს, 13 წლის ჯორდანი ჩენდლერის მიმართ გარყვნილი ქმედებისთვის. ჯორდანი ჯექსონის ფანი იყო და ხშირად სტუმრობდა მას ნევერლენდ რანჩოში. მამამისის განცხადებით, შვილმა აღიარა, რომ მომღერალმა იძულებული გახადა, ხელი მოეკიდა მისი სასქესო ორგანოებისთვის.

პოლიციამ გამოიძია ეს ბრალდება. შედეგად, მხარეებმა ზავი დადეს: ჯექსონმა ჩანდლერის ოჯახს 22 მილიონი დოლარი გადაუხადა, ხოლო ჯორდანმა უარი თქვა, ჩვენება მიეცა ჯექსონის წინააღმდეგ.

ათი წლის შემდეგ, 2003 წელს, მაიკლი კვლავ დაადანაშაულეს მსგავსი ბრალდებით. ამჯერად, მომღერალს ბრალი ედებოდა 13 წლის გევინ არვიზოს წინააღმდეგ, რომელიც ასევე მუდმივად სტუმრობდა ნევერლენდ რანჩოს.

რანჩოზე ყოფნის დროს ბავშვებს ხშირად ეძინათ ჯექსონის ოთახში და მეტიც, ჯექსონის საწოლშიც.

ბრალდების თანახმად, ჯექსონმა ჯერ დაათრო გევინი, შემდეგ კი მასთან ერთად მასტურბირებდა, გევინის თქმით, მომღერალი იგივე ქმედებებს ჩადიოდა სხვა ბავშვების მიმართაც.

226 ნახვა

დაწერეთ თქვენი მოსაზრება

კომენტარი